Сайлов - ёшлар нигоҳида

Наманган вилояти сайлов комиссияси ва Ёшлар иттифоқи вилоят кенгаши ҳамкорлигида вилоятдаги мавжуд олийгоҳ талабалри ўртасида кенг қамровда тадбирлар олиб борилмоқда. “Сайлов тарғиботи ойлиги” доирасида келишилган режага кўра 3 та олий таълим муассасалари НамДУ, НамМҚИ ҳамда НамМТИ талабалари иштирокида "Сайлов-ёшлар нигоҳида" мавзусида зерикарли мавзулардан батамом воз кечган ҳолда "Тенгдош-тенгдошга" тамойили асосида давра суҳбати ташкилланмоқда.
Мазкур тадбирда 120 нафар ортиқ фаол, иқтидорли талабаларнинг жалб этилиши уларнинг жойларда жонли тарғиботчи бўлиб занжир реакциясини ташкил этишлари мақсад этилган. Шунга кўра музокара ва мунозара шаклида кечган тадбир Ёшлар иттифоқи раиси Абдулазиз Муминовнинг энержайзер усулидаги чиқиши ёшларни янада фаол бўлишига турки бўлди. Тадбирда тезкор савол-жавоб баҳсларида эса Наманган муҳандислик-технология институти профессор-ўқитувчиси Отабек Йўлдашев томонидан аниқ тушунчалар берилди.
Шуни алоҳида таъкидлаш жоизки, Марказий сайлов комиссияси ва Ёшлар иттифоқи Марказий Кенгаши томонидан ташкил этилган Тошкент вилояти Бўстонлиқ туманидаги Ёшлар оромгоҳида “Ёш сайловчи-2019” ўқув семинарида наманганлик 12 нафар ёшлар ўз билимларини ошириб қайтди. Ҳозирда улар тенгдошлари билан ўрганганларини баҳам кўриб, тарғибот ишларини олиб бормоқдалар. Айни шу ёшлар учрашувларида ҳам бу ёш тренерларимиз ёшларни бу жараёнларда янада фаол бўлишга чорламоқдалар.

Улуғбек Рузиматов,
Халқаро матбуот маркази Наманган вилояти бўлими.